Кара-Суу шаары

Кара-Суу шаары Ош облусундагы Кара-Суу районунун административдик борбору болуп саналат. Шаар статусун 1960-жылдары алган. Кара-Суу шаары түштүк жагынан Жоош, чыгыш жагынан Савай айыл өкмөтү, батыш жана түндүк жагынан Өзбекстан Республикасынын Андижан облусунун Курган-тепа районунун Кара-Суу шаары менен чектешет. Дениз денгээлинен 780 метр бийиктикте жайгашкан. Кара-Суу шаары Ош аэропортуна 20 км.

Климаты континенттик түзөң бөлүгүндө жайкысын ысык, кышкысын суук. Жылдык жаан чачын 300-500мм. Түзөң бөлүгүндө боз, тоо жагында күрөң топурак басымдуу.

Кыргыз Республикасынын Министрлер Кабинетинин 2024-жылдын 7-февралындагы № 52 токтому менен бекитилген Пилоттук режимде административдик-аймактык реформа жүргүзүү мезгилинде Кыргыз Республикасынын жергиликтүү өз алдынча башкаруусунун аткаруу органдарынын ишин уюштуруу жөнүндө жобого ылайык Административдик аймактык реформадан кийин шаардын жалпы аянты – 10927 га. Кожолуктун саны 9741 болуп, калкынын саны 55710 адамды түзүп, райондун калкынын 12,1 % пайызын түзөт. Анын ичинен эркектер – 49,8 % пайыз; аялдар – 50,2 % пайызды түзөт. Кара-Суу шаары көп улуттуу шаар. Кыргыздар – 50,7 % пайыз; өзбектер – 42,1 % пайыз; башка улуттар – 7,2 % пайызды түзөт. Шаар аймагында билим берүү тармагында жалпы 14 мектеп, 12142 окуучу билим алат. Бала-бакчалардын саны 9, 1775 бала тарбияланат.

Шаарда Ж. Бөкөмбаев атындагы эс алуу багы, Манас стадиону, Ала-Тоо кинотеатры, эки Маданият үйү жайгашкан. Шаардын чыгыш тарабында белгилүү Кара-Суу базары, батышында райондук оорукана, түндүгүндө Кара-Суу темир жол бекети жайгашкан. Кыргызстандагы белгилүү ырчы, саясатчы Ибрагим Жунусов жана ыйык Куранды кыргызчага, өзбекчеге которгон Алауддин Мансур ушул шаарда туулуп өсүшкөн.

Кара-Суу шаары Ош аэропортуна 20 км.

 

Шаар статусун 1960-жылдары алган.

Шаардын жалпы аянты – 10927 га.

Кожолуктун саны 9741.

Калкынын саны 55710 адамды түзөт.

Райондун калкынын 12,1 % пайызын түзөт.

Кыргыздар – 50,7 % пайыз.

Өзбектер – 42,1 % пайыз.

Башка улуттар – 7,2 % пайызды түзөт.

Жалпы 14 мектеп, анын ичинде 12142 окуучу бар.

Бала-бакчалардын саны 9 анын ичинде 1775 бала бар.

Жакырчылыктын деңгээли 13,6 % пайыз.

Шаарда төрөлгөн балдардын саны 757

Сарайда төрөлгөн балдардын саны 959

АТР кийин төрөлгөн балдардын саны 1716